Сабор Антверпенскай Божай Маці (нідэрл. Onze-Lieve-Vrouwekathedraal, фр. Cathédrale Notre-Dame d’Anvers) — рымска-каталіцкая прыходская царква ў Антверпене, Бельгія. Зараз належыць епархіі Антверпена. Сабор Антверпенскай Маці Божай быў закладзены ў 1352 г. і хоць першы этап быў скончаны ў 1521 годзе, будаўніцтва сабора па гэты дзень лічыцца «незавершаным». Спраектаваны ў гатычным стылі, архітэктарамі Жанам і Петэрам Амелі. Утрымлівае шэраг значных работ вядомага мастака ў стылі барока Пітэра Паўля Рубенса, а таксама карціны такіх мастакоў, як Ота ван Веен, Якаб дэ Бакер і Марцін дэ Вос.