Пардубіцкі ўніверсітэт (чэшск.: Univerzita Pardubice) — чэшская дзяржаўная вышэйшая навучальная ўстанова са статусам універсітэта і з сядзібай у горадзе Пардубіцы.
Ён быў заснаваны ў 1950 годзе як Вышэйшая хімічная школа з адным факультэтам, з 1953 года — Вышэйшая хіміка-тэхналагічная школа, цяперашнюю назву ён атрымаў у 1994 годзе. Маючы больш за 7 тысяч студэнтаў, аспірантаў і дактарантаў, універсітэт уваходзіць у лік сярэдніх па велічыні чэшскіх універсітэтаў.