Палацца Венецыа ці палац Венецыі (італ.: Palazzo Venezia) — былое прадстаўніцтва Венецыянскай рэспублікі ў папскім Рыме. Размешчана на п’яцца Венецыя на поўнач ад Капіталійскага ўзгорка, побач з храмам св. Марка.
Палац быў пабудаваны вакол сярэднявечнай вежы ў 1455 годзе і лічыцца адным з першых помнікаў Адраджэння ў Вечным горадзе. Камень для будаўніцтва выломлівалі прама з Калізея. У палацца была ўбудавана старажытная базіліка Сан-Марка. Першым жыхаром палацца быў венецыянскі кардынал П’етра Барба (пасля Папа Павел II).
Пасля пераходу Венецыі да Габсбургаў у палацы знаходзілася рэзідэнцыя аўстрыйскага пасла ў Італіі. У 1930-я гг. з балкона палацца нярэдка выступаў Мусаліні. У наш час тут музей.