У Вікіпедыі ёсць артыкулы пра іншых асоб з прозвішчам Кавалёў. Міхаіл Якаўлевіч Кавалёў (нар. 28 лістапада 1959, вёска Гадылёва, Быхаўскі раён, Магілёўская вобласць) — беларускі матэматык. Доктар фізіка-матэматычных навук (1999, Аптымальныя расклады абслугоўвання патрабаванняў партыямі), Член-карэспандэнт НАН Беларусі (2017).
Скончыў БДУ (1982). Працуе ў Інстытуце тэхнічнай кібернетыкі НАН Беларусі. Навуковыя працы па матэматычнай кібернетыцы. Распрацаваў новыя метады пабудовы паліномных алгарытмаў развязання задач дыскрэтнай аптымізацыі, знайшоў межы паліномнай развязальнасці ў задачах пабудовы аптымальных раскладаў.