Міхаіл Сямёнавіч Шчэпкін (17 лістапада 1788, с. Краснае, Абаянскі павет, Курская губерня — 23 жніўня 1863) — рускі акцёр; заснавальнік рэалізму ў рускім сцэнічным мастацтве.
З прыгонных. Дэбютаваў у 1805 годзе ў Курскім тэатры. З 1816 года ў Харкаўскім, з 1818 года ў Палтаўскім вольных тэатрах. У 1822 годзе атрымаў вольную. З 1823 года ў Маскоўскім тэатры (з 1825 года Малы тэатр). Сцвярджаў асветнае, грамадскае значэнне тэатра, патрабаваў падапарадкавання ўсяго творчага працэсу агульнай ідэі. Імкнуўся да натуральнасці гульні, распрацоўваў прынцыпы мастацтва пераўвасаблення.
Яго імя носіць Вышэйшае тэатральнае вучылішча ў Маскве.