У Вікіпедыі ёсць артыкулы пра іншых асоб з прозвішчам Корсак. Міхаіл Зяноўевіч Корсак (каля 1460 — да 1509) — землеўласнік.
Паходзіў са шляхецкага роду Корсакаў уласнага герба «Корсак».
Уладальнік Бабынічаў, Дзярновічаў, Селішча, Туросы, Усомна і іншых у Полацкім ваяводстве.
Яго сыны Яцка (каля 1490 — пасля 1535), Васіль (каля 1495—1561), гараднічы полацкі з 1552, і Іван (каля 1500 — да 1563), харужы полацкі, у 1528 ставілі ў войска 70 коннікаў, яшчэ 19 ставіла іх маці. Ад Васіля і Івана пайшлі 2 галіны роду.