Місумальпан — сям’я індзейскіх моў Цэнтральнай Амерыкі. У нашы дні мовы місумальпан распаўсюджаны на карыбскім узбярэжжы Нікарагуа і Гандураса.
Упершыню вылучана нямецкім амерыканістам Вальтарам Леманам у 1920 годзе. Названа па першых складах моў міскіта, суму і матагальпа. Апошняя знікла ў XIX стагоддзі. Сучасныя даследчыкі асобна вылучаюць мову ульва, на якой размаўляе частка паўднёвых маянья.