Мура́шка фараонаў, мурашка дамавая рыжая (Monomorium pharaonis) — насякомае сямейства мурашак.
Даўжыня цела 1,9—2,4 (рабочыя мурашкі), 2,8—3,1 (самцы), 3,5—4 мм (самкі). Самцы чорныя, рабочыя мурашкі і самкі жоўтыя з матавымі галавой і грудзямі.
Касмапаліт. Жыве ў цёплых памяшканнях, гнёзды робіць пад пліптусамі, падаконнікамі, паміж перакрыццямі, у трэшчынах сцен і падлогі.
Псуе харчовыя прадукты (мяса, хлеб, цукар). Меры барацьбы: хімічныя (фумігацыя, атрутныя прыманкі).