Моніка Банькоўскі-Цюліг (Monika Bankowski-Züllig; нар. 12 мая 1946, Цюрых, Швейцарыя) — швейцарская славістка.
Нарадзілася ў сям’і службоўца Роберта Цюліга і хатняй гаспадыні Марыі (у дзявоцтве Вольдфёгель). Вывучала славістыку і гісторыю ў Цюрыхскім (1966—1973) і Варшаўскім (1969—1970) універсітэтах. Рэферэнт па славістыцы Цэнтральнай бібліятэкі Цюрыха. Член камітэта, у 2000—2005 гадах — намеснік старшыні ГА МАБ. Магістр філасофскіх навук (lic. phil.).
Даследуе швейцарска-славянскія узаемасувязі, апошнім часам асабліва актыўна швейцарска-беларускія. Сярод навуковых зацікаўленняў Беларусь у апісаннях замежных падарожнікаў. Актыўна ўдзельнічае ў беларускіх навуковых форумах, рэгулярна выступае на замежных канферэнцыях з беларусістычнай праблематыкай. Аўтар шэрагу беларусістычных публікацый.