Меч-рыба (Xiphias gladius) — адзіны від сямейства мечарылых атрада акунепадобныя. Пашыраны ва ўсіх акіянах, пераважна ў тропіках. Мігрыруе на вялікія адлегласці. Зрэдку трапляецца ў Азоўскім, Баранцавым, Балтыйскім, Чорным, Японскім морах.
Даўжыня да 4,5 метраў, маса да 0,5 т. Цела без лускі. Верхняя сківіца выцігнута ў мечападобны адростак (адсюль назва). даўжынёй да 1/3 усёй рыбы. Драпежнік, корміцца кальмарамі, рыбай і інш. Аб’ект промыслу і спартыўнага лову.