Маскоўскі драматычны тэатр імя Марыі Мікалаеўны Ярмолавай (Тэатр-цэнтр імя Ярмолавай) — драматычны тэатр у Маскве, створаны ў 1925 годзе як перасоўны. З 1946 года размяшчаецца ў будынку былога пасажу Постнікава. Рэпертуар прадстаўлены як пастаноўкамі па творах сусветнай класікі, так і спектаклямі эксперыментальных жанраў.
У 1830 годзе быў пабудаваны адзін з найбуйнейшых у той час асабнякоў на Цвярской вуліцы — Постнікаўскі пасаж. У 1897 годзе двухпавярховы будынак з мезанінам перабудавалі: першы паверх адвялі пад гандлёвы пасаж, а другі — пад гасцініцу. З 1931 па 1938 год у будынку размяшчаўся Дзяржаўны тэатр імя Усевалада Меерхольда. У 1946 годзе памяшканні заняў тэатр імя Ярмолавай.
Тэмы гэтай старонкі (5):