Марк Аўрэлій Карын (лац.: Marcus Aurelius Carinus) — рымскі імператар у 283—285 гадах. Карын быў старэйшым сынам прэфекта прэторыя Кара. Пасля таго, як Кар быў абвешчаны імператарам, ён прызначыў Карына сваім суправіцелем з тытулам цэзара і, пакінуўшы кіраўніком заходніх правінцый, рушыў у паход на персаў разам з другім сынам Нумерыянам. Пасля смерці бацькі і брата Карын выступіў супраць абвяшчэння ўсходнімі легіёнамі імператарам Дыяклетыяна, але ў генеральнай бітве ў даліне Марга пацярпеў паразу і быў забіты.
Тэмы гэтай старонкі (6):