wd wp Пошук: ⬜

Лісіп

Лісіп — грэчаскі скульптар, які завяршае эпоху позняй класікі (IV ст. да н. э.) Пачынаў як ліцейнік, майстэрству разьбяра вучыўся, вывучаючы прапорцыі паліклетаўскага «Дарыфора». Сярод сучаснага яму мастацтва працы Лісіпа вылучаліся натуралізмам (асабліва пры перадачы валасоў і вока), а таксама некалькі падоўжанымі прапорцыямі. Пліній прыпісваў яму да паўтары тысяч прац, але гэты лік відавочна перабольшаны. Ёсць легенда, што Лісіп пры стварэнні кожнай сваёй працы складаў у куфэрак па адным каштоўным камені. Пасля яго смерці там выявілі больш за паўтары тысяч камянёў. Ён быў любімым мастаком Аляксандра Македонскага, якога адлюстроўваў з хлапечага ўзросту, у тым ліку голым. Яго творы не дайшлі да нашага часу, прынамсі, у арыгінале. Захаваліся рымскія копіі. Адзін з цэнтральных твораў Лісіпа — каласальная бронзавая статуя Геракла — была вывезена з Тарэнта ў Канстанцінопаль і расплаўлена там у 1022 г.

У гонар Лісіпа названы кратар на Меркурыі.

Гермес (копія)
Купідон (рымская копія з грэчаскага арыгінала)
Геракл і Тэлефос (рымская копія з грэчаскага арыгінала)
«Гермес адпачывае» (копія)

Зноскі

Спасылкі

О. Ф. Вальдгауер. ЛИСИПП. Берлин, 1923.