Косцевічы, Касцевічы — беларускі шляхецкі род. Родапачынальнік Станіслаў у канцы XV ст. быў намеснікам ковенскім. Значнымі асобамі былі яго сыны: Януш (каля 1460—1527), маршалак дворны з 1510, ваявода віцебскі і падляшскі; Венцлаў (каля 1470—1532), намеснік дарсунішскі, маршалак дворны з 1511. Венцлаў у 1519 годзе атрымаў прывілей на пажыццёвае валоданне Кобрынскім княствам. Яго адзіны сын Пётр памёр маладым, на ім род Касцевічаў скончыўся.