Карл Вайпрэхт (8 верасня 1838, Кёніг, Гесэн -28 сакавіка 1881, Міхельштат, Гесэн) — аўстрыйскі палярны даследчык.
У 1872-74 разам з Ю. Паерам узначальваў экспедыцыю на судне “Тэгетхоф”, якая павінна была прайсці Паўночна-ўсходнім праходам з Баранцава мора да Берынгава праліву. Ля Новай Зямлі карабель быў зацёрты льдамі. Падчас 372-сутачнага дрэйфу на поўнач і паўночны ўсход была адкрыта зямля, названая ад імя аўстрыйскага імператара Зямлёй Франца-Іосіфа. За час зімовак Вайпрэхт зрабіў каштоўныя навуковыя назіранні ў галіне геафізікі і вывучаў прыроду палярных льдоў.