Капіталійскі Брут — этруская бронзавая скульптура.
Шэдэўр позняй этрускай партрэтнай скульптуры. Гэты бюст вельмі рэдкі па захаванасці (з інкруставанымі вачамі і непашкоджанай паверхняй валасоў, шчок, ілба) — адзін з найважнейшых твораў таго складанага часу, калі здзяйсняўся пераход ад этрускай культуры да рымскай. У датаванні яго няма аднагалоснасці паміж вучонымі. Час яго ўзнікнення вызначаецца шырокімі рамкамі III—I стагоддзяў да н. э.