Еўрапейскі інвестыцыйны банк
| Еўрапейскі саюз |
 Гэты артыкул — частка серыі: |
Унутраная палітыка
|
Еўрапейскі інвестыцыйны банк — дзяржаўная фінансава-крэдытная ўстанова Еўрапейскага саюза для фінансавання развіцця адсталых еўрапейскіх рэгіёнаў у форме доўгатэрміновых крэдытаў. Створаны ў 1958 годзе з мэтай прадастаўлення крэдытаў для будаўніцтва і рэканструкцыі аб’ектаў, якія ўяўляюць цікавасць для краін ЕС. Статутны капітал фарміруецца з узносаў краін-удзельніц і складае 232.393.000.000 еўра. ЕІБ з’яўляецца юрыдычнай асобай. Яго членамі з’яўляюцца дзяржавы - члены Супольнасці. Заданне ЕІБ складаецца ў спрыянні “пастаяннаму і збалансаванаму развіццю агульнага рынку ў інтарэсах Супольнасці”. Для дасягнення гэтай мэты ён выкарыстоўвае як рэсурсы рынку капіталаў, да якіх мае доступ, так і ўласныя рэсурсы. Банк прадастаўляе крэдыты і гарантыі для рэалізацыі такіх праектаў:
- па развіццю слабаразвітых рэгіёнаў;
- накіраваных на мадэрнізацыю або пераўтварэнне прадпрыемстваў або на развіццё новых відаў дзейнасці, якія спрыялі прагрэсу ў стварэнні агульнага рынку;
- якія складаюць агульны інтарэс для некалькіх дзяржаў-членаў, якія за сваім аб’ёмам або прыродай не могуць быць цалкам фінансава асобнымі дзяржавамі-членамі.
Кіруючыя органы Еўрапейскага інвестыцыйнага банка — Савет кіраўнікоў, Дырэктарат і Кіраванне. У Савет кіраўнікоў уваходзяць міністры фінансаў краін ЕС. Ён вызначае агульную крэдытную палітыку, разглядае і зацвярджае гадавыя балансы, уносіць змены ва ўстаўны капітал. Дырэктарат прымае рашэнне пра падаванне крэдытаў і гарантый пры прыцягненні сродкаў, вызначэнні адсоткавых ставак. Аператыўнае кіраўніцтва ажыццяўляюць прэзідэнт і пяць яго намеснікаў. Месцазнаходжанне Еўрапейскага інвестыцыйнага банка — Еўрапейскі квартал Люксембурга.
Спасылкі
Тэмы гэтай старонкі (2):Катэгорыя·Органы Еўрапейскага саюза
Катэгорыя·Міжнародныя фінансавыя арганізацыі