Дзьюла Пейдль (венг.: Peidl Gyula; 4 красавіка 1873 — 22 студзеня 1943, Будапешт) — венгерскі прафсаюзны дзеяч і палітык-сацыяліст. У апошнія дні існавання Венгерскай Савецкай Рэспублікі у 1919 годзе займаў пасады прэм’ер-міністра і выконваў абавязкі главы дзяржавы.
На працягу 6 дзён існавання свайго ўрада спрабаваў ліквідаваць шкоду, нанесеную Венгрыі кіраваннем камуністаў. Па меры прасоўвання румынскіх войскаў да Будапешта ён пачаў адмяняць непапулярныя дэкрэты і пастановы камуністычнага ўрада, аднавіў прыватную ўласнасць, закрыў рэвалюцыйныя трыбуналы і распусціў Чырвоную гвардыю.
6 жніўня 1919 года яго ўрад быў зрынуты ў выніку ваеннага перавароту. Пейдль адправіўся ў выгнанне ў Аўстрыю, аднак ужо ў 1921 годзе вярнуўся ў Венгрыю і аднавіў палітычную і прафсаюзную дзейнасць. У 1922—1931 гадах узначальваў сацыял-дэмакратычную фракцыю ў венгерскім парламенце.