Гістарычныя цэрквы — абагульняючы тэрмін для абазначэння тых хрысціянскіх цэркваў, у аснове веравучэння якіх, нароўні са Свяшчэнным Пісаннем, уваходзіць і Свяшчэннае Паданне. Яшчэ адной вызначальнай прыкметай для аднясення якой-небудзь царквы да гістарычных цэркваў з’яўляецца прызнанне ёю апостальскага пераемства, якое разумеецца як бесперапынны ланцужок пасвячэнняў святарства з часоў апосталаў да нашых дзён.
Гістарычнымі цэрквамі прынята лічыць каталіцкую, праваслаўную і старажытнаўсходнія цэрквы.