Герб Рэспублікі Сербскай — прыняты 15 ліпеня 2008 года. Уяўляе сабою кола колераў дзяржаўнага сцяга, на які накладзены залатыя пераплеценыя літары Р і С. Кола аточанае вянком з залатога дубовага лісця, пераплеценага ўнізе стужкай колераў сцяга і каранаваны каралеўскай каронай. Па акружнасці дадзена назва Рэспубліка Сербская на дзвюх мовах. Унізе намалявана каралеўская карона сярэднявечнай дынастыі кіраўнікоў Босніі Катраманічаў.