Гегард (арм.: Գեղարդ, [geghárd], літаральна - «дзіда»), таксама ўжываецца старая назва Айрыванк («пячорны манастыр») — манастырскі комплекс, унікальнае архітэктурнае збудаванне ў Катайкскай вобласці, Арменія. Размешчаны ў цясніне горнай ракі Гохт (правы прыток ракі Азат), прыкладна ў 40 км на паўднёвы ўсход ад Ерэвана. Занесены ЮНЕСКА ў спіс аб’ектаў Сусветнай культурнай спадчыны.
Больш поўная назва - Гегардаванк (арм. Գեղարդավանք, [geghárdavánkh]), літаральна - «Манастыр дзіды». Назва манастырскага комплексу паходзіць ад дзіды Лонгіна, якой пракалолі цела Ісуса Хрыста на Крыжы, і, як сцвярджаецца, прывезенага ў Арменію апосталам Фадзеем у ліку многіх іншых рэліквій. Зараз дзіда выстаўлена ў музеі Эчміядзіна.