Гваздоўка — былое ўрочышча ва ўсходняй частцы Магілёва. Згадваецца ў дакументах XVI—XVIII стст. Знаходзілася на месцы Нагорскай сотні (працяг Нагорскага пасада), недалёка ад ручая Дзебра і гары Машэкаўка. У сярэдзіне XVI ст. адсюль вазілі лес для будаўніцтва цэркваў у горадзе. У наш час тэрыторыя ўрочышча ўваходзіць у Ленінскі раён горада, абмежавана вуліцамі Боткіна (былая вул. Вялікая Гваздоўка), К. Маркса (былая вул. Зялёная) і Фабрычным завулкам, цяпер тут знаходзіцца гарадская бальніца хуткай дапамогі.