Віцебскі дзяржаўны каледж культуры і мастацтваў — установа сярэдняй спецыяльнай адукацыі горада Віцебска. Размешчаны па адрасе вул. М.Горкага, 74.
Адкрыты 1 ліпеня 1971 года як Віцебскае культурна-асветніцкае вучылішча.
У 1990 годзе культурна-асветніцкае вучылішча рэарганізавана ў Віцебскае вучылішча культуры. З 1992 года вучылішча перайменавана ў Віцебскае вучылішча мастацтваў. У 2010 года рэарганізавана ва УА «Віцебскі дзяржаўны каледж культуры і мастацтваў».
У каледжы функцыянуе 6 цыклавых камісій (харэаграфічнага мастацтва, агульнаадукацыйных дысцыплін, рэжысуры і майстэрства акцёра, інструментальнай і харавой музыкі, канцэртмайстраў, дызайну і ДПМ).