Віцебская (купецкая) фабрыка аптычных вырабаў — прадпрыемства, якое працавала ў 1892—1941 гг. у Віцебску. Першае прадпрыемства такога роду ў Расійскай імперыі.
Пасля 1917 г. праведзена рэканструкцыя, у 1941 годзе фабрыка эвакуіравана ў гарадскі пасёлак Суксун Пермскай вобласці. Пасля Вялікай Айчыннай вайны ў будынку фабрыкі быў заснаваны завод электравымяральных прылад.
Два Залатыя медалі Усерасійскіх выставак (пачатак XX ст.) за высакаякасныя аптычныя і фізічныя інструменты, акуляры і пенснэ.
Фабрыка мела паравую машыну, 10 замежных станкоў (1910).
Працавалі 125 рабочых (1913), кошт прадукцыі 115 тыс. руб. (1913).