У Вікіпедыі ёсць артыкулы пра іншых асоб з прозвішчам Зубко. Вольга Таполя, сапраўднае імя Вольга Зубко (1902 — ?; псеўданімы: Зубко-Штайнвэч; крыптанімы В. Т-я) — беларуская пісьменніца.
Скончыла Беларускі дзяржаўны ўніверсітэт. Падчас нямецкай акупацыі працавала ў «Беларускай газэце» і выдавецтве «Менск». З лета 1944 года — на эміграцыі. Жыла ў Лавінгене (Баварыя), пазней ў лагеры DP Ватэнштэт. 5 студзеня 1945 года брала ўдзел у заснавальным сходзе літаратурнага згуртавання «Шыпшына». У 1948 годзе вярнулася у Беларускую ССР. Друкавалася ў газеце «Голасе Радзімы» і беларускіх эміграцыйных перыядычных выданнях. Аўтар кніг «Сьнягурка і мурка» (1946), «Маці» (1948).