Венгерская камуністычная партыя (венг. Magyar Kommunista Párt або Kommunisták Magyarországi Pártja) — марксісцка-ленінская партыя ў Венгрыі, утвораная 24 лістапада 1918 і якая знаходзілася ва ўладзе ў перыяд Венгерскай Савецкай Рэспублікі (з сакавіка 1919). Пасля разгрому ВСР румынскай арміяй была вымушана сысці ў падполле і вярнулася да ўлады ў краіне пасля Другой сусветнай вайны. У 1948 злілася з Сацыял-дэмакратычнай партыяй, утварыўшы Венгерскую партыю працоўных. У 1956 яе пераемніцай стала Венгерская сацыялістычная рабочая партыя. Уваходзіла ў склад Камінтэрна.