Бхубанешвар — горад у Індыі, у раёне дэльты ракі Маханадзі, на поўдзень ад г. Катака. Адміністрацыйны цэнтр штата Арыса.
Важнай галіной эканомікі з’яўляецца турызм. Бхубанешвар быў спраектаваны так, што прамысловыя зоны былі вынесеныя за межы горада. Да 1990-х гадоў у эканоміцы горада дамінавалі гандаль і дробная вытворчасць. Пасля лібералізацыі эканамічнай палітыкі ў 1990-я гады ў Бхубанешвары атрымалі развіццё тэлекамунікацыйны сектар, сфера інфармацыйных тэхналогій і вышэйшая адукацыя.