wd wp Пошук: ⬜

Бурвіль

**Бурві́ль** ([фр.](/Французская_мова "Французская мова"): Bourvil, псеўданім; сапраўднае імя **Андрэ́ Робе́р Рэмбу́р**, [фр.](/Французская_мова "Французская мова"): André Robert Raimbourg; [27 ліпеня](/27_ліпеня "27 ліпеня") [1917](/1917 "1917") — [23 верасня](/23_верасня "23 верасня") [1970](/1970 "1970")) — [французскі](/Францыя "Францыя") акцёр і эстрадны спявак.

Біяграфія

Андрэ Рабер Рэмбур нарадзіўся 27 ліпеня 1917 года ў горадзе Прэта-Вікмар (дэпартамент Сена Прыморская). Рана страціў бацьку (падчас Першай Сусветнай вайны) і значную частку дзяцінства правёў у вёсцы Бурвіль (Bourville), назва якой стала яго творчым псеўданімам.

Пачынаў працаваць у мюзік-холе, дзе спяваў і танчыў, выконваў мініяцюры гумарыстычнага плана. Затым стаў працаваць на радыё і з 1945 года здымаўся ў кіно.

У 1956 годзе атрымаў прыз Венецыянскага кінафестывалю Кубак Вольпi за лепшую мужчынскую ролю ў фільме «Праз Парыж».

У Бурвіля было двое дзяцей Дамінік (1950) і Філіп (1953) Рэмбур.

Бурвіль памёр 23 верасня 1970 ад міеломнай хваробы.