Бромсебрускі мір — мірны дагавор, падпісаны 13 жніўня 1645 паміж Швецыяй і Даніяй-Нарвегіяй пры садзейнічанні Францыі ў вёсцы Бромсебру, на мяжы правінцый Блекінге і Смоланд. Дадзены дагавор паклаў канец дацка-шведскай вайне, якая з’яўлялася часткай Трыццацігадовай вайны. Па выніках дагавора Данія саступіла Швецыі астравы Готланд і Эзель і таксама дзве правінцыі на нарвежскай мяжы: Емтланд і Хер’едален. Акрамя гэтага, шведскія судны былі вызваленыя ад мытных пошлін пры праходжанні праз Зунд.