Берлінскі кафедральны сабор (ням. Berliner Dom) — самая вялікая пратэстанцкая царква Германіі (уваходзіць у ЕКД). Размешчаны на Музейным востраве Берліна.
Берлінскі сабор ніколі не быў саборам у фактычным сэнсе гэтага тэрміна, бо Берлін, не кажучы ўжо пра гэты сабор, ніколі не быў месцам знаходжання біскупа каталіцкай царквы. Калі ў 1930 годзе Святы Прэстол упершыню стварыў каталіцкую дыяцэзію ў Берліне, Берлінскі сабор ужо даўно з’яўляўся пратэстанцкай царквой. Сабор Святой Ядвігі служыць месцам знаходжання мітрапаліта Берліна. Функцыі і пасада біскупа ўключае рэгулярныя пратэстанцкія пропаведзі ў царкве Святой Марыі, якая з’яўляецца месцам жыхарства біскупа. Мемарыяльная царква кайзера Вільгельма — другое месца яго знаходжання.
Сабор будаваўся з 1894 па 1905 г. па праекце Юліуса Рашдорфа ў якасці галоўнай царквы прускіх пратэстантаў і прыдворнай царквы кіруючай дынастыі Гогенцолернаў. Сабор выкананы ў стылі барока. Вышыня сабору складае 116 м, шырыня — 73 м, даўжыня — 93 м (да 1975 года, калі была знесена г.зв. Царква Памяці ў паўночнай частцы сабору, даўжыня складала 114 м).