У гэтага паняцця ёсць і іншыя значэнні, гл. Баса. Ба́саў праліў — праліў, які раздзяляе Аўстралію і востраў Тасманія і злучае Індыйскі акіян з Ціхім.
Шырыня праліва складае 240 км, а сярэдняя глыбіня каля 50 м. Праліў узнік усяго каля 10 000 гадоў назад у сувязі з павышэннем узроўня мора. Да гэтага Тасманія была часткай аўстралійскага кантынента. Праліў названы яго адкрывальнікам Мэцью Фліндэрсам у гонар карабельнага ўрача Джорджа Баса ў 1798 годзе.