Барыс Анатолевіч Эйзнер (нар. 12 лістапада 1949, Гомель) — беларускі вучоны ў галіне тэхналогіі апрацоўкі матэрыялаў. Доктар тэхнічных навук (1993). Член Нью-Ёркскай АН (1999).
Скончыў Беларускі інстытут інжынераў чыгуначнага транспарту (1972). З 1976 года ў Фізічна-тэхнічным інстытуце НАН РБ (з 1996 года загадчык лабараторыі). З 1999 года працуе ў Ізраілі. Навуковыя працы па даследванні працэсаў фарміравання іонных шматкампанентных кандэсаваных сістэм, тэхналогіях нанясення гарача-, эразійнаўстойлівых і іншых спецыяльных пакрыццяў.