Байрамалі (туркм.: Baýramaly) — горад у Марыйскім вілаяце Туркменістана. Размешчаны ў Мургабскім аазісе, у 375 км на ўсход ад Ашгабада і ў 27 км ад горада Мары. Насельніцтва - 88,5 тыс. жыхароў (2009) Чыгуначная станцыя. Кліматычны курорт: лячэнне хранічных захворванняў нырак. Лета гарачае, сухое (тэмпература больш 30°С), сонечных дзён у годзе каля 290. Зіма мяккая. Сярэдняя гадавая вільготнасць 50% (летам 25%). Ападкаў у год 130 мм.