wd wp Пошук: ⬜

Астрожскі замак

Астрожскі замак — абарончае збудаванне ў горадзе Астрог у Вялікім Княстве Літоўскім (цяпер у Ровенскай вобласці Украіны), збудаванае на адносна невялікім авальным пагорку, які носіць назва Замкавы.

У сярэдзіне XIII стагоддзя пасля спалення замка і горада татарамі князем Данілам ў комплексе драўляных умацаванняў узводзіцца жылая вежа-данжон, два ніжнія паверхі якой захаваліся да нашага часу. У далейшым драўляныя фартыфікацыйныя збудаванні замяняюцца на мураваныя: у XV—XVI стагоддзях узводзяцца яшчэ дзве вежы і сцяна па перыметры пагорка.

Богаяўленская царква, збудаваная ў пачатку XVI стагоддзя, насіла выразна абарончыя рысы.

У XX стагоддзі замак уключаны ў Астрожскі гістарычна-культурны запаведнік

Літаратура

Астрожскі замак // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.

Спасылкі

На Вікісховішчы ёсць медыяфайлы па тэме Астрожскі замак
Замкі і храмы Украіны. Астрог (укр.)
Архітектурні та природні пам`ятки України. Острог (укр.)