Археалагічныя даследаванні — даследаванні гістарычнага мінулага чалавецтва па рэчавых крыніцах матэрыяльнай культуры.
Асноўнымі метадамі археалагічных даследаванняў з’яўляюцца раскопкі (падчас якіх выяўляюць помнікі матэрыяльнай культуры і высвятляюць ўмовы іх пахавання) і ўсебаковае вывучэнне выяўленых помнікаў.
Археалагічныя даследаванні патрабуюць абавязковага прымянення навуковай методыкі, спецыфічнай для розных груп археалагічных помнікаў (стаянак, гарадзішчаў, курганоў і інш).
Археалагічныя даследаванні ў СССР праводзіліся толькі з дазволу АН СССР і саюзных рэспублік. Самавольныя археалагічныя раскопкі ў СССР забараняліся.