У Вікіпедыі ёсць артыкулы пра іншых асоб з прозвішчам Янкоўскі. У Вікіпедыі ёсць артыкулы пра іншых людзей з імем Антон Янкоўскі. Анто́н Рафа́лавіч Янко́ўскі (26 лістапада 1901, в. Адамчукі Віленскага павета — 8 снежня 1982) — беларускі народны спявак, збіральнік беларускага фальклору, краязнавец.
Скончыў беларускія настаўніцкія курсы ў Вільні (1921). Працаваў аграномам у Вільні. Удзельнічаў у рабоце БСРГ.
Песенны рэпертуар А. Янкоўскі пераняў пераважна ад маці, у ім пераважалі творы каляндарных жанраў, вясельныя, лірычныя, жартоўныя песні.
Працуючы аграномам, запісваў народныя песні, паданні, легенды, прыказкі. Частку збораў апублікаваў у 1930-я у заходнебеларускім часопісе «Шлях моладзі». Фальклорныя запісы А. Янкоўскага выкарыстаны пры выданні акадэмічнага збору «Беларуская народная творчасць» («Жніўныя песні», 1974; «Балады», 1977, 1978; «Восеньскія і талочныя песні», 1981; і інш.).