Акаванга
Акаванга - рака ў паўднёва-заходняй Афрыцы. Чацвёртая па даўжыні рачная сістэма ў Паўднёвай Афрыцы. Цячэ на паўднёвы ўсход. Працягласць - 1600 км. Сярэдні расход вады - 475 м ³ / с. Бярэ свой пачатак у Анголе, дзе яна называецца Кубанга. Паўднёвей па ёй праходзіць частка мяжы паміж Анголай і Намібіяй, пасля чаго рака цячэ па тэрыторыі Батсваны.
Яшчэ да Батсваны зрэз ракі паніжаецца на 4 метра з-за парогаў, вядомых пад назвай Вадаспады Попа.
Акаванга не ўпадае ў аніякае мора. Замест гэтага яна губляецца ў балотах на паўночным захадзе пустыні Калахары, гэта месца звычайна называюць Дэльта Акаванга (балота Акаванга). Плошча дэльты — 15 000 км². Частка рачных водаў напаўняе возера Нгамі. У басейне Акаванга знаходзіцца запаведнік Марэмі (у Батсване), вядомы сваёй багатай дзікай прыродай.
Літаратура
- Кубанга, Акаванга //БЭ ў 18 тамах. Т.8, Мн., 1999, С.551
Катэгорыя·Рэкі Батсваны
Катэгорыя·Рэкі Анголы
Катэгорыя·Памежныя рэкі
Катэгорыя·Рэкі Намібіі
Катэгорыя·Рэкі паводле алфавіта