Аацыстыдыум авальны (Oocystidium ovale) — від аднаклетачных зялёных водарасцей сямейства аацысціевых. На Беларусі трапляецца ў планктоне азёр і лужынах.
Клеткі эліпсападобныя, адзіночныя ў складзе часовых калоній з 2—4 клеткамі ў сярэдзіне шырокага чахла з вадзяністай слізі, свабодна плаваюць. Памер клетак 10—11,5x9—10,4 мкм, чахол большы амаль утрая. Хларапластаў 2, прысценныя, чашападобныя, кожны з пірэноідам. Ядро цэнтральнае. Размнажаецца 2—4 аўтаспорамі, якія выходзяць праз мацярынскую абалонку ў экватарыяльнай частцы.